My Inner Sanctum.

నువ్వు రాకముందు చేశా ఒంటరితనానికి బానిసత్వం, నువ్వు వచ్చాక సాధించా నీ ప్రేమకే పోరాడాలనే స్వాతంత్రం..!! మర్చిపోవాలనుకుంటున్నాను నువ్వు లేని నా గతం, అందంగా మలుచుకోవాలనుకుంటున్నను ఇకపై నాతో నీ జీవితం..!! నీ ప్రేమకై నేను చేసే పోరాటం, నన్నే నాకు కొత్తగా చేసింది పరిచయం..!! నీవు తోడుగా ఉండాలని నేను పడే ఆరాటం, నా జీవితానికి ఉందని తెలిసేలా చేసింది ఓ అర్థం..!! ప్రేమని నమ్మని నేను నీ పరిచయంలోని అధ్భుతాన్ని నమ్ముతాను, అధ్భుతమంటే తెలియని నేను నీ ప్రేమ రూపంలో ఆస్వాదించాను..!! విజయాన్ని దగ్గరగా చూస్తూ ఉన్నా, నీ నుండి దూరాన్ని మాత్రం భరించలేకున్నా..!! నీ ప్రేమని అర్థం చేసుకోడానికి పెద్ద పెద్ద పుస్తకాలు చదివే అవసరం రాలేదు కానీ, నాకు నీ మీదున్న ఒక పెద్ద పుస్తకమంత ప్రేమని ఒక లేఖలో వివరించడానికి మాత్రం అవస్థలు పడుతున్నా..!! నేను జీవితంలో పరిగెడితే అది నీ కోసం, అలసిపోయి ఆగిపోయినప్పుడు కోరుకునేది నీ సాన్నిహిత్యం..!! నా జీవితానికి అర్థం తెలిపిన నువ్వంటే నాకిష్టం, నన్ను నాకు కొత్తగా పరిచయం చేసిన నీ ప్రేమంటే గౌరవం..!! - సత్య

ఏ కాలంలో అయినా కష్టానికి సరైన గుర్తింపు ఉంటుందో లేదో తెలియదు కానీ, విజయానికి మాత్రం మంచి విలువ ఉంటుంది..!! కష్టాన్ని గుర్తించలేని సమాజంలో విజయంతోనే విలువ కట్టే సమాజంలో కన్నీళ్ళకి విలువ ఉండదు..!! అవినీతికి అలవాటు పడిపోయిన ప్రజలు, ఆరోపణలున్న రాజకీయనాయకులని మాత్రం వదులుకుంటారా?? మంచిని అర్థం చేసుకోలేని ప్రజలు, అర్థంచేసుకోడానికి ఆలోచించాల్సిన మంచిని అక్కున చేర్చుకోగలరా?? బలమైన ఆలోచనల్లోంచే పుట్టిన అభిప్రాయాలే, బలహీనమైన వారి ఆలోచనలని మారుస్తాయి..!! స్వంతంగా ఆలోచించలేని సంత గొర్రెలు, గెలిపించి సన్మానం చేసి గెలిపించేది కసాయివాడినే..!! ప్రతి చరిత్ర చెప్పే పాత పాఠం, కష్టాలు పడితేనే నేర్చుకోగలం కొత్త పాఠం అని..!! కొత్త తలనొప్పులని సృష్టించని కాలమేది, కాలాన్ని నిందించని తరమేది..?? తలనొప్పి లేకుండా తలకెక్కించుకోలేముగా, తరాలు మారినా చెదరకుండా కదులుతున్న కాలం నేర్పే పాఠం..!! తరాలు మారినా మనల్ని మారుస్తూ కదిలిపోయేది కాలం అయితే, చరిత్రలని చదువుకుంటూ వస్తున్నా మంచిని చెవికెక్కించుకోలేనిదే సమాజం..!!  అలవాటు పడిపోయిన పాత రోత కంటే, ఆకర్షించడం తెలియని కొత్త ఎప్పుడూ లోకువే..!! అబద్దానికి ఉన్నంత ఆకర్షణ నిజాన

 ఇది నా దేశం, ఇందులో కొట్టుకుచావడానికి, తక్కువచేసి చూడటానికి కులాలు, మారణహోమాలకి కారణాలుగా చెప్పుకోడానికి మతాలు..!! ఓపిక, సహనాన్ని మర్చిపోతున్న ప్రజలు, ఓపిగ్గా దోచుకుంటున్న రాజకీయ నాయకులు..!! అర్థంలేని ఆవేశాలు, ఆలోచనలేని అనుసరణలు, మంచిని అపార్థం చేసుకునే అమాయకులు, అమాయకులని బాగా అధ్యయనం చేసిన రాజకీయనాయకులు..!! ఐదేళ్ళకొకసారి ఆలోచించుకోవడానికి ఎన్నికలు, ఎన్నికల్లో అమ్ముకోవడానికి విలువైన ఓట్లు..!! విజయం లేని మంచివాళ్ళు, గెలుపుగర్వంతో విర్రవీగే అవినీతిపరులు..!! క్షణ క్షణం మారిపోయే పరిస్థితులు, ప్రతిక్షణం ప్రస్తుతాన్ని వాటితో పోల్చుకునే సామాన్యులు..!! పరిగెత్తలేక అలసిపోయి ఆగిపోతున్న ఆశావహులు, దురాశతో ఎంత దూరానికైనా వెనకాడని దుర్మార్గులు..!! కాలం కూడా సమాధానం చెప్పలేని అకృత్యాలు, కన్నీరుగా కనుల నుండి జారిపోయే యువకుల కలలు, అవినీతికి, అవకాశావాదానికి ఆవిరైపోయే ఆశలు..!! కారణం తెలియని కష్టాలకి అలవాటుపడిపోయిన పేదవాళ్ళు, అనుకున్నట్లు బ్రతికితే చాలనుకుంటూ ఆలోచించడం ఆపేసిన మేధావులు..!! తమది దరిద్రం కానందుకు సంతోషించే ధనవంతులు, ఆ జాబితాలో చేరాలని కష్టపడి కాలిపోయే మధ్యతరగతి వాళ్ళు..!! ఆగిపోమని చెప్పే అ