My Inner Sanctum.

నువ్వు రాకముందు చేశా ఒంటరితనానికి బానిసత్వం, నువ్వు వచ్చాక సాధించా నీ ప్రేమకే పోరాడాలనే స్వాతంత్రం..!! మర్చిపోవాలనుకుంటున్నాను నువ్వు లేని నా గతం, అందంగా మలుచుకోవాలనుకుంటున్నను ఇకపై నాతో నీ జీవితం..!! నీ ప్రేమకై నేను చేసే పోరాటం, నన్నే నాకు కొత్తగా చేసింది పరిచయం..!! నీవు తోడుగా ఉండాలని నేను పడే ఆరాటం, నా జీవితానికి ఉందని తెలిసేలా చేసింది ఓ అర్థం..!! ప్రేమని నమ్మని నేను నీ పరిచయంలోని అధ్భుతాన్ని నమ్ముతాను, అధ్భుతమంటే తెలియని నేను నీ ప్రేమ రూపంలో ఆస్వాదించాను..!! విజయాన్ని దగ్గరగా చూస్తూ ఉన్నా, నీ నుండి దూరాన్ని మాత్రం భరించలేకున్నా..!! నీ ప్రేమని అర్థం చేసుకోడానికి పెద్ద పెద్ద పుస్తకాలు చదివే అవసరం రాలేదు కానీ, నాకు నీ మీదున్న ఒక పెద్ద పుస్తకమంత ప్రేమని ఒక లేఖలో వివరించడానికి మాత్రం అవస్థలు పడుతున్నా..!! నేను జీవితంలో పరిగెడితే అది నీ కోసం, అలసిపోయి ఆగిపోయినప్పుడు కోరుకునేది నీ సాన్నిహిత్యం..!! నా జీవితానికి అర్థం తెలిపిన నువ్వంటే నాకిష్టం, నన్ను నాకు కొత్తగా పరిచయం చేసిన నీ ప్రేమంటే గౌరవం..!! - సత్య

ఏ కాలంలో అయినా కష్టానికి సరైన గుర్తింపు ఉంటుందో లేదో తెలియదు కానీ, విజయానికి మాత్రం మంచి విలువ ఉంటుంది..!! కష్టాన్ని గుర్తించలేని సమాజంలో విజయంతోనే విలువ కట్టే సమాజంలో కన్నీళ్ళకి విలువ ఉండదు..!! అవినీతికి అలవాటు పడిపోయిన ప్రజలు, ఆరోపణలున్న రాజకీయనాయకులని మాత్రం వదులుకుంటారా?? మంచిని అర్థం చేసుకోలేని ప్రజలు, అర్థంచేసుకోడానికి ఆలోచించాల్సిన మంచిని అక్కున చేర్చుకోగలరా?? బలమైన ఆలోచనల్లోంచే పుట్టిన అభిప్రాయాలే, బలహీనమైన వారి ఆలోచనలని మారుస్తాయి..!! స్వంతంగా ఆలోచించలేని సంత గొర్రెలు, గెలిపించి సన్మానం చేసి గెలిపించేది కసాయివాడినే..!! ప్రతి చరిత్ర చెప్పే పాత పాఠం, కష్టాలు పడితేనే నేర్చుకోగలం కొత్త పాఠం అని..!! కొత్త తలనొప్పులని సృష్టించని కాలమేది, కాలాన్ని నిందించని తరమేది..?? తలనొప్పి లేకుండా తలకెక్కించుకోలేముగా, తరాలు మారినా చెదరకుండా కదులుతున్న కాలం నేర్పే పాఠం..!! తరాలు మారినా మనల్ని మారుస్తూ కదిలిపోయేది కాలం అయితే, చరిత్రలని చదువుకుంటూ వస్తున్నా మంచిని చెవికెక్కించుకోలేనిదే సమాజం..!!  అలవాటు పడిపోయిన పాత రోత కంటే, ఆకర్షించడం తెలియని కొత్త ఎప్పుడూ లోకువే..!! అబద్దానికి ఉన్నంత ఆకర్షణ నిజాన

 ఎవరం మనం, మనసుల్ని మభ్యపెట్టుకుంటూ బ్రతుకుతున్న మనుషులం, భయం లేదంటూ ధైర్యంగా బ్రతికేస్తున్న బానిసలం, అర్థంలేని ఆవేశాలతో అనుక్షణం ఊగిపోతున్న యువకులం, బద్ధకానికి అలవాటుపడిపోయిన భావిభారత పౌరులం, ఆలోచనల దగ్గరే ఆగిపోతున్న అభినవ అంబేద్కర్లం, వొల్లు కదలకుండా విజయాన్ని కోరుకుంటున్న విప్లవవీరులం, సాటి మనిషిలోని మంచిని చూడటానికి ఆలోచించే అమాయకులం, మంచిది కాకపోయినా మందితో పోతున్న మంచి మనుషులం, మారాలంటూనే సమాజం, మనకెందుకులే అనుకునే మూర్ఖులం, కలలు కన్న సమాజం కోసం కష్టపడలేని కష్టజీవులం, కష్టాలని చూసి కంగారుపడిపోయి కలలని వదిలేసుకునే త్యాగజీవులం, వేరొకరి గురించి వారి వెనుక చెడు మాట్లాడకుండా ఉండలేని సౌమ్యులం, సామర్థ్యం ఉన్నా సాయం చేయడానికి సంకోచించే సామాన్యులం..!!                                                                                                                                                            - సత్య     

ఎందుకు ప్రజాస్వామ్యం,  ప్రశ్నించలేనప్పుడు జనం..!!  భయానిదే బలం, ఎదిరించలేనప్పుడు ధైర్యం..!! స్వార్థపరులైనప్పుడు జనం, ప్రశ్నించే  ఒక్కడికి తప్పదు శాశ్వత మౌనం..!! సామాన్యులకి తెలియని చట్టాలు,  తెలియనివ్వని స్వార్థపు నీచ రాజకీయాలు..!! మంచిని నమ్మడానికి సిద్ధంగా లేని ప్రజలు, అవసరమైతే ప్రజల్ని సైతం అమ్మేయడానికి సిద్ధంగా ఉన్న రాజకీయ నాయకులు..!! ఐదు సంవత్సరాలకి ఒకసారి వస్తున్నా ఎన్నికలు,  మంచిగా మారుతున్నాయా మనిషి జీవితాలు..!! విస్మరిస్తున్నావా విలువైన ఆలోచనల్ని,  భయపడుతున్నావా తలుచుకుని దుర్మార్గుల్ని..!! ధైర్యం కూడగట్టుకుని నువ్వేసే ఒక్క ఓటు,  మరో పదిమంది భయానికి వేయాలి అడ్డు గట్టు..!! తప్పుచేయకపోయినా భయపడుతున్నావా,  అది తప్పుకాదని తలచుకుంటూ భ్రమలో బ్రతికేస్తావా..!! మర్చిపోయి కష్టపడి సంపాదించుకోవడం,  చేయిజాచి అడుక్కోవాల్సిన స్థాయికి దిగజారిపోతున్నాం..!! ఎందుకీ ప్రజాస్వామ్యం,  కలిసి బ్రతకడానికి కుంటుతున్నప్పుడు సమాజం..!! ఏమని చెప్పను కారణం ఎందుకు నీకింత ఆవేశం అంటే, నీ నెత్తినెక్కి నాట్యం చేస్తూ నవ్వుతున్న దుర్మార్గుడని చెప్పనా, వాడికి ఆ అధికారాన్ని ఇచ్చిన నీ అంధకారమని చెప్పనా..!!

నేటి సమాజం, మంచిని నమ్మలేక, చెడుని వదులుకోలేనిది..!! నేటి సమాజం, అర్థం లేని ఆవేశం ఎక్కువై, అవసరమైన ఆలోచన చేయలేనిది..!! నేటి సమాజం, తాను చేసిన తప్పులకి, కాలాన్ని నిందిస్తూ కాలం గడిపేసేది..!! నేటి సమాజం, చెరపలేక చుట్టూ ఉన్న చెడుని, మర్చిపోతుంది తనలోని మంచిని..!! నేటి సమాజం, చెడుని భరించలేక తిట్టుకుంటూ, మంచిని నమ్మలేక ప్రోత్సహించలేనిది..!! నేటి సమాజం, నచ్చిన వాటి గురించి కలలుగంటూ, వచ్చిన వాటితో కాలాన్ని నెట్టుకొచ్చేది..!! నేటి సమాజం, కష్టానికి భయపడుతూ కోరుకున్న ఆనందాన్ని వదులుకుంటున్నది..!! నేటి సమాజం, నిజాన్ని నమ్మలేక, అందమైన అబద్ధానికి అలవాటు పడిపోయినది..!! నేటి సమాజం, మన దాకా రానంతవరకు ఏ కష్టమైనా మనకు అనవసరం అనుకునేది..!!     

 కాలం నిన్ను దాటిపోతుంది, నువ్వు కన్న కలలు నిన్నొదిలి పోతున్నాయి. ఆశలు పెరిగిపోతున్నాయి, ఆనందం తరిగిపోతుంది. గెలుపు గేళి చేస్తుంటే ఓటమి ఓదారుస్తుంది. ఏ గెలుపు లేకపోయినా గర్వం మాత్రం తగ్గడం లేదు. అన్ని జరిగిపోతున్నాయని అహంకారమా? ఏమీ లేకపోతే ఏమైపోతావో అనే భయం కలిగే రోజు కూడా వస్తుందని గుర్తుపెట్టుకో. గుర్తుపెట్టుకుంటే సరిపోదు, గుర్తు చేసుకుంటూ ఉండు.  ఎవరికోసమూ వేచి ఉండని కాలాన్ని నువ్వు వృథా చేసుకుంటున్నవు. అర్థం లేని ఆనందాల కోసం అందమైన భవిష్యత్తుని కోల్పోతావా? కదిలి రాలేవా కలలు నిజం చేసుకోడానికి? కలిసి ఉండలేకపోతున్నావా కష్టంతో, ఇష్టమైనది సాధించుకోడానికి? ఇష్టపడలేకపోతున్నావా కష్టాన్ని, శాశ్వతమనుకుంటున్నావా ఈ స్వార్థపు సుఖాన్ని? నేర్చుకోలేకపోతున్నావా కాలం నేర్పే పాఠాలను? ప్రయత్నించకుండా కొత్తగా సాధించేది ఏం లేదు, పాతపాఠాలను మళ్ళీ పలకరించడం తప్ప. ప్రయత్నించు, విఫలమవ్వు, విజయం సాధించు. విఫలమవ్వుతున్నావని విసుగుచెందకు, విఫలమవుతున్నా విసుగు చెందకుండా ప్రయత్నించడమే విజయమని గుర్తించుకో. కొత్తగా ప్రయత్నించలేకపోవడానికి భయమా, పాతవాటిని వదులుకోని బద్ధకమా?  కలగన్న దానికోసం కాలంతో పోటీపడుతూ ప్రయత్నిం

                                   ఎవ్వరినీ నమ్మొద్దు. నిన్ను నువ్వు నమ్ముకో, నువ్వు నమ్మిన దారిలో మొదటి అడుగు నీదే కావాలి. ఆ దారిలో నీతో పాటు ఎన్నో అడుగులు కలవొచ్చు, మధ్యలో వదిలేసి వెళ్ళిపోవచ్చు, లేదా నువ్వొక్కడివే ఒంటరిగా మిగిలిపోవచ్చు. ఎవర్ని నమ్మలేము. మన జీవితమే మనకి రోజూ ఎన్నో పరీక్షలని పెడుతుంది. అలాంటిది మనతో, మనం నమ్మిన మార్గంలో నడిచే వారి నిజాయితీని, నిబద్ధతని తెలుసుకోవడానికి నువ్వు ఎన్ని పరీక్షలు పెట్టాలి? అన్ని పరీక్షల్లో నెగ్గినా ఆఖరి అడుగు దాకా నీతో కలిసి నడుస్తాడన్న నమ్మకం కలుగుతుందా? నాకైతే కలగదు, నేటి పరిస్థితులని చూసి అస్సలు నమ్మాలంటేనే భయమేస్తుంది. కానీ నమ్మక తప్పదు. నమ్మకంతో సాగాల్సిన ప్రయాణం మనందరి జీవితం. మనం అడిగే అన్ని ప్రశ్నలకు సమాధానం ఒక్క కాలమే చెప్పగలదు. వేచి చూడడం, అంతవరకూ నమ్మడమే మనం చేయగలం.                                     అయినా ఎవడో మనల్ని నమ్మించి మోసం చేశాడని భాధపడిపోయి మన ప్రయాణాన్ని ఆపేస్తామా? ఆపేయ్యకూడదు. మనం చేసే పని మీద మనకు నమ్మకం ఉండాలి, మనం చేసే పనిని, ఎంచుకున్న మార్గాన్ని చూసి మన చూట్టూ ఉన్న నలుగురిలో మన మీద నమ్మకం కలగాలి. ఇక్కడ చెడ్డగా మారె