కాలానికి నా కష్టం పట్టదు,
అదృష్టానికి నా అవసరం ఉండదు..!!
సంతోషం కోసం సర్దుకోగలం కానీ,
కష్టపడానికి ఇష్టపడలేని మనుషులం..!!
కష్టానికి మాత్రమే విలువుంటే కర్షకుడికి ఇన్ని కష్టాలెందుకో,
కొన్నిసార్లు కష్టానికి అదృష్టం తోడు కూడా కావాలేమో..!!
ఉషోదయం ఎరుగని బ్రతుకైపోతుంది నాది,
గది దాటి కదలలేని కలలైపోతున్నాయి నావి..!!
కోరుకున్నది దరిచేరనందుకు కాలాన్ని నిందిస్తున్నాను,
కోరుకున్నదాని గురించి కవిత్వం రాసి సంబరపడిపోతున్నాను..!!
నా కలలు నన్ను బ్రతికించే ఊపిర్లు అయితే,
కష్టపడలేక నేను చెప్పుకునే కారణాలు నాకున్న రోగాలు..!!
నన్ను నిత్యం నిందించేది నా మనసు,
నేను నిందించడానికే దొరికింది నాకు వెళ్లిపోయిన వయసు..!!
నా మనసులోని ఆలోచనలకి అంతం లేనట్లే,
నా అలోచనల్లోని ప్రశ్నలకి సమాధానం లేదు..!!
సమాధానం వెతకలేని అజ్ఞానిని కాదు కానీ,
సంజాయిషీ కోసం వెతుక్కుంటూ బ్రతికేస్తున్న మూర్ఖుడ్ని..!!
- సత్య
అద్భుతం 👌 సోదరా 🙏
ReplyDeleteకష్టానికి మాత్రమే విలువుంటే కర్షకుడికి ఇన్ని కష్టాలెందుకో,
ReplyDeleteకొన్నిసార్లు కష్టానికి అదృష్టం తోడు కూడా కావాలేమో..!! ✍👌 it's truth ♥
Nee kavithalo nanu nenu chusukunattu undi brother...thank you for writing this...chala chala baga raasaru....All the best for future writings...
ReplyDeleteఎంతో మనోవేదన అనుభవిస్తే గాని ఇటువంటి కావ్యాలు, కవ్యరుపం దల్చలేవు సార్ ఈ మీ బలమైన, పదునైన మాటలు నాలాంటి ఎంతో మందికి స్ఫూర్తి సార్
ReplyDeleteకాలానికి అదృష్టం వ్యక్తీకరణం
ReplyDeleteసంతోషంగా కష్టపడటం మనస్తత్వం
కష్టానికి కొన్నిసార్లు ప్రతిఫలం
ఉషోదయం గది దాటితే నిష్క్రమణం
కోరుకున్నది కోరుకున్నంత లోకం
నా కలలు కష్టపడలేని వ్యసనం
నన్ను నేను నిందించటం
నా నా లోపం
సమాధానం సంజాయిషీ అపకారం!