మోసం,
చేసేవాడికి అవసరంతో ఏర్పడిన అలవాటు,
మోసపోయేవాడికి మంచితనం వల్ల జరిగే పొరపాటు..!!
మోసం,
చేసేవాడిది అవసరం,
పోయేవాడికి ఒక పాఠం..!!
మోసం,
మళ్ళీ చేస్తే అది వాడి తత్వం,
మళ్ళీ మోసపోతే అది మన అమాయకత్వం..!!
మోసం,
ఒక అవకాశం,
చేసిన వాడు మారడానికి,
పోయిన వాడు జాగ్రత్తపడటానికి..!!
మోసం,
మనల్ని మనం చేసుకుంటే మన చేతకానితనం,
మనల్ని వేరొకడు చేస్తే వాడి గొప్పతనం..!!
మోసం,
మంచోడైతే జాగ్రత్తపడతాడు,
మనిషైతే స్వార్థపరుడవుతాడు,
పిచ్చోడైతే నవ్వుకుని ఊరుకుంటాడు..!!
మోసం,
చేసినవాడికి వాడి ప్రయాణంలో మరో గెలుపు,
మోసపోయిన వాడికి మాత్రం జీవితంలో ఓ మలుపు..!!
- మీ సత్య
Comments
Post a Comment