చెదలు పట్టి చరిత్రలోని వీరగాథలు,
చచ్చిపోతున్నాయి సగటు మనిషిలో ధైర్యసాహసాలు..!!
బ్రతుకంటేనే భారమంటున్నాయి ఆలోచనలు,
చేరుకోలేక నీతిగా ఆశించిన దూరాలు,
అలవాటు పడిపోతున్నాయి అవినీతికి సామాన్య జీవితాలు..!!
చూస్తూ చూస్తూ చుట్టూ మనిషి చేసే మోసాలు,
కనుమరుగయిపోతున్నాయి మనిషిలోని మంచిగుణాలు..!!
ఎటూ జీవనకాలం తగ్గిపోతుందని కాబోలు,
కలిసిపోతున్నాయి గుర్తుపట్టలేనంతగా మనలోని మంచిచెడులు..!!
అమ్ముడుబోవడానికి సిద్ధమైపోతుంటే ప్రజలు,
కనీసం ప్రయత్నిస్తాయా పద్ధతిగా పనిచేయడానికి ప్రభుత్వాలు..!!
విలువ లేదంటూ విజయం లేనివారికి,
దిగజారిపోతావా విజయం సాధించడానికి..!!
సరిపెట్టుకుని బ్రతికేస్తూ ఉంటే మన ప్రాప్తం ఇంతే అని,
దోచుకుంటూనే ఉంటారు నిర్విరామంగా నీ కష్టార్జితాన్ని..!!
ఉన్నప్పుడు నేరుగా నిలదీయలేని భయం,
నిశ్శబ్దంగా ఓటేసి చూపించాలి నీ ధైర్యం..!!
నిజం వైపు నీతిగా నిలబడటమే నిజాయితీ,
ఆలస్యాన్ని భరించలేని అత్యాశతో మొదలయ్యిందే అవినీతి..!!
చాలా బాగుంది సత్యా. 🙏❤️
ReplyDeleteథాంక్యూ అన్నయ్య..!
DeleteBagundi
ReplyDeleteChala baga rasav anna..👌👏🙌
Deleteవిలవ లేదంటూ విజయం లేనివారికి
ReplyDeleteధిగజారిపొతావ విజయం సాధించడాడికి👌👏
ఉన్నప్పుడు నేరుగా నిలదీయలేని భయం,
ReplyDeleteనిశ్శబ్దంగా ఓటేసి చూపించాలి నీ ధైర్యం..!!
బావుంది సత్యా, నిజానికి ఈ మాత్రం చైతన్యం కూడా లేకపోవడం ఆందోళనకరం 😥
-శ్రీ
Super
ReplyDelete